بیجنگ :زمبابوے کے صدر ایمرسن ایمنانگاگوا نے حال ہی میں چین افریقہ تعاون فورم سمٹ میں شرکت کی۔
اس موقع پر انہوں نے چائنا میڈیا گروپ سے خصوصی بات چیت کرتے ہوئے کہا کہ گزشتہ 61 سالوں میں انہوں نے کئی بار چین کا دورہ کیا ہے اور چینی شہروں کی تیز رفتار ترقی اور جدیدکاری کے عمل کا براہ راست مشاہدہ کیا ہے۔ انہوں نے کہا کہ چین زبردست تبدیلیوں سے گزرا ہے اور ملک نے جدیدکاری اور صنعت کاری کو بہت ترقی دی ہے۔
چین نے اب تک جو کچھ حاصل کیا ہے وہ اسے بے حد سراہتے ہیں۔صدر شی جن پھنگ کے چین زمبابوے "فائیو اسٹار آئرن” تعاون فریم ورک کے بارے میں ایمنانگاگوا نے کہا کہ چین زمبابوے کا دل سے مخلص دوست اور ہمارے ملک کی ترقی اور تبدیلی کی راہ پر ایک قابل اعتماد دوست ہے۔ آج، اگر آپ زمبابوے میں بنیادی ڈھانچے پر نظر ڈالیں تو، آپ کو زمبابوے اور چین کے مابین تعاون کے نمونے نظر آئیں گے. مثال کے طور پر، ہرارے میں تجدید شدہ اور توسیع شدہ بین الاقوامی ہوائی اڈہ، بلا مبالغہ پورے خطے میں بہترین بین الاقوامی ہوائی اڈا ہے. ہم اپنے دوطرفہ تعلقات کو مزید گہرا کریں گے اور علاقائی اور بین الاقوامی فورمز پر ایک دوسرے کی حمایت کریں گے۔
ہم جانتے ہیں کہ چین ہمارے موقف کی حمایت کرے گا، اور زمبابوے چین کے تمام موقف کی حمایت کرے گا، کیونکہ چیلنجز کے سامنے زمبابوے اور چین ایک ہی موقف رکھتے ہیں۔ درحقیقت کسی بھی افریقی ملک کی ترقی کے لیے چین کی شرکت ضروری ہے۔ مجھے یقین ہے کہ چین کے ساتھ تعاون کے ثمرات براعظم افریقہ کے بیشتر ممالک کی ترقی کے عمل میں دیکھے جا سکتے ہیں۔
