مقامی وقت کے مطابق 27 جون کی علی الصبح شامی فوج نے ایک بیان جاری کیا جس میں کہا گیا کہ 26 جون کی رات دیر گئے اسرائیلی فضائی حملوں میں جنوبی شام کے کئی مقامات کو نشانہ بنایا گیا جس میں دو افراد شہیداور ایک زخمی ہوا۔
بیان میں کہا گیا ہے کہ 26 تاریخ کو رات گیارہ بج کر 40 منٹ پر اسرائیل نے گولان کی پہاڑیوں کی جانب سے جنوبی شام کے کئی مقامات پر فضائی حملے کیے اور شامی فضائی دفاعی نظام نے دشمن کی جانب سے داغے گئے کچھ میزائلوں کو مار گرایا۔
فضائی حملے کے نتیجے میں دو افراد ہلاک، ایک فوجی زخمی اور کچھ مادی نقصان ہوا۔
شامی میڈیا "شام ایف ایم” کے مطابق شام کے دارالحکومت دمشق کے جنوبی مضافات کے آس پاس کے علاقے پر اسرائیل نے 26 تاریخ کو رات گئے حملہ کیا اور حملے کے بعد دو عمارتیں مکمل طور پر منہدم ہو گئیں۔
سنہ 2011 میں شامی خانہ جنگی شروع ہونے کے بعد سے اسرائیلی فوج ایرانی فوجی تنصیبات کو نشانہ بنانے کے بہانے شام میں بار بار اہداف پر حملے کرتی رہی ہے۔ گذشتہ سال اکتوبر میں فلسطین اسرائیل تنازعے کے ایک نئے دور کے آغاز کے بعد سے اسرائیل نے شام میں اہداف پر زیادہ حملے کیے ہیں۔
