لاہور(نیوزڈیسک) چیئرمین پی سی بی ذکاء اشرف نے پاکستان کرکٹ ٹیم کی سلیکشن کمیٹی کو فارغ کردیا
تفصیلات کےمطابق عبوری چیف سلیکٹرتوصیف احمد، وجاہت اللہ واسطی اور وسیم حیدر شامل تھے،نئی سلیکشن کمیٹی کا اعلان ایک دو روز میں متوقع ہے۔
پاکستان کے سابق کرکٹرز میں سے ہی نئے چیف سلیکٹر منتخب ہوں گے،نئی سلیکشن کمیٹی دورہ آسٹریلیا کے لیے قومی ٹیسٹ اسکواڈ کا انتخاب کرے گی۔
اس سے قبل پی سی بی نے ورلڈکپ میں ناقص کارکردگی پر انضمام الحق کا استعفیٰ منظور کیا تھا۔
