مورگاہ کی مشہور سیاسی و سماجی شخصیت عبدالمجید انتقال کر گئے
مورگاہ (سب نیوز)مورگاہ کی مشہور سیاسی و سماجی شخصیت وسابقہ کونسلر عبدالمجید انتقال کر گئے۔تفصیلات کے مطابق مرحوم کو آہوں سسکیوں کے ساتھ ہزاروں سوگواروں کی موجودگی میں مورگاہ کے مقامی قبرستان میں سپرد خاک کر دیا گیا۔
اہل علاقہ کا کہنا تھا کہ مرحوم مورگاہ کی جانی پہچانی شخصیت میں سے تھے ایک خوشگوار ملن ساز شخصیت کے مالک تھے ،مورگاہ کے ہر فلاحی کام میں بڑھ چڑھ کر حصہ لیتے نہ دن نہ رات دیکھتے مورگاہ کی ہر غم کو اپنا درد سمجھتے ان کی کاوشوں کو مورگاہ کی عوام کھبی نہیں بولے گی ،مرحوم کی عوامی خدمات کوہمیشہ یاد رکھا جائے گا۔
مرحوم کی نماز جنازہ میں سیاسی و سماجی شخصیات نے شرکت کی جن میں چوہدری عمر جلیل ، علی مردان، ملک سعید الرحمن ، ملک عمر، چوہدری آصف، ملک طاہر، جمشید خان، راجہ عارف، راجہ شیراز، چوہدری احسان گجر اور علاقہ کی عوام نے کثیر تعداد میں شرکت کی مرحوم کے لئے دعا مغفرت کی۔
