بیجنگ (آئی پی ایس)چائنا۔آسیان ایکسپو سیکرٹریٹ کے مطابق ہانگ چو 20ویں چائنا-آسیان ایکسپو میں چین کے "دلکش شہر” کے طور پر نمودار ہو گا تاکہ دنیا کو ہانگ چو کی دلکشی اور قوت محرکہ دکھائی جا سکے اور اقتصادی اور تجارتی تعاون کے تبادلے کی سرگرمیوں کا انعقاد کیا جا سکے۔
اتوار کے روز رپورٹس کے مطابق، ہانگ چو کے نمائش ایریا میں تین مخصوص حصے شامل ہیں جن میں ایشین گیمز، ڈیجیٹل اکانومی اور تین عالمی ثقافتی ورثہ شامل ہیں۔ ہانگ چو ایشین گیمز 23 ستمبر کو شروع ہونے والے ہیں اور دنیا کے سامنے "چینی خصوصیات، زے جیانگ اسٹائل، ہانگ چو کی دلکشی "پرمبنی ایک شاندار ایشین گیمز کا ایونٹ پیش کریں گے۔
"ڈیجیٹل اکانومی سیکشن چین کے سرفہرست ڈیجیٹل اکانومی سٹی کی تشکیل نو میں ہانگ چو کی اعلیٰ سطحی کامیابیوں پر توجہ مرکوز کرتا ہے۔ "تین عالمی آثار قدیمہ سیکشن بنیادی طور پر ہانگ چو کی مغربی جھیل، گرینڈ کینال اور لیانگ چو قدیم شہر کے کھنڈرات سمیت تین عالمی ثقافتی ورثے کے مقامات کو دکھاتا ہے۔
چائنا-آسیان ایکسپو نے 2005 سے "دلکش شہر” تھیم کا آغاز کیا تھا۔ چین اور آسیان کے 10 ممالک کے نمائندہ شہر اپنے ممالک کی جانب سے نمائش میں شرکت کرتے ہیں، جس میں تجارت، سرمایہ کاری، سائنس وٹیکنالوجی، ثقافت، سیاحت وغیرہ کی نمائشیں منعقد کی جاتی ہیں تاکہ چین اور آسیان کے درمیان تعاون کو فروغ دیا جا سکے۔
