چیئرمین پی ٹی آئی کو الیکشن میں لگ پتا جائے گا، پرویز خٹک

پشاور(آئی پی ایس)پی ٹی آئی پارلیمنٹیرینز کے سربراہ پرویز خٹک نے کہا ہے کہ میرے ساتھ اس وقت 35 سے 40 الیکٹ ایبلز ہیں،چیئرمین پی ٹی آئی کو انتخابات میں لگ پتا جائے گا۔
اپنے ایک بیان میں پرویز خٹک نے کہا کہ الیکٹ ایبلز کے علاوہ اور بھی لوگ رابطے میں ہیں، میں نے کئی شمولیتیں روکی ہوئی ہیں۔
ان کا کہنا تھا کہ الیکٹ ایبلز کے اپنے ووٹ ہوتے ہیں۔
پی ٹی آئی پارلیمنٹیرینز کے سربراہ کا کہنا تھا کہ فروری میں الیکشن ہر حالت میں ہو جانے چاہئیں، معاملہ عدالتوں میں گیا تو انتخابات فروری سے بھی آگے جا سکتے ہیں۔
پرویز خٹک کا مزید کہنا تھا کہ چیئرمین پی ٹی آئی اسلام آباد میں بیٹھ کر پورے ملک کو چلانا چاہتے تھے، وہ کہتے تھے کہ وہ فوج کے خلاف انقلاب لانا چاہتے ہیں۔