ممبئی ( آئی پی ایس) بالی ووڈ کی اداکارہ زرین خان نے میگا سٹار سلمان خان کے ساتھ کام کرنے کے تجربے کو خوفناک قرار دے دیا۔
بالی ووڈ کی ہیروئن زرین خان نے سوشل میڈیا پر مداحوں کے سوالوں کے جواب دئیے۔ زرین خان نے کہا کہ بالی ووڈ میں ٹیلنٹ کے بجائے دوستی کو اہمیت دی جاتی ہے۔ یہاں لوگوں کو صلاحیت کی بنیاد پر نہیں بلکہ دوستی کی وجہ سے کام ملتا ہے۔ بالی ووڈ میں اقربا ءپروری پر مایوسی ہوتی ہے۔
زرین خان نے سلمان خان کیساتھ کام کرنے کے تجربے سے متعلق سوال کے جواب میں کہا کہ بالی ووڈ کے سپر سٹار کیساتھ کام کا تجربہ خوفناک تھا تاہم انہوں نے اس بات کی مزید وضاحت نہیں کی۔
بالی ووڈ اداکارہ کا مزید کہا کہ کیرئیر کے آغاز میں جب انہیں کترینہ کیف کا ہم شکل کہا جاتا تھا توانہیں خوشی ہوتی تھی تاہم اسی چیز نے ان کے کیرئیر کو بہت نقصان پہنچایا۔ لوگ سمجھتے ہیں کہ میرے بالی ووڈ میں بہت تعلقات ہیں لیکن درحقیقت ایسا نہیں ہے۔ میں بہت زیادہ سوشل نہیں اور نہ زیادہ لوگوں سے میری جان پہچان ہے۔
