اسلام آباد(آئی پی ایس) وزیراعظم شہباز شریف ایک روزہ دورے پر گوادر پہنچ گئے۔
گوادر کے دورے میں وفاقی وزراء بھی وزیرِ اعظم شہباز شریف کے ہمراہ ہیں، گورنر بلوچستان عبدالولی کاکڑ نے گوادر پہنچنے پر وزیرِ اعظم کا استقبال کیا۔
وزیراعظم گوادر میں متعدد ترقیاتی منصوبوں کا سنگِ بنیاد و افتتاح کریں گے، منصوبوں میں 102 کلومیٹر بسیمہ ،خضدار روڈ، 55 کلومیٹر آواران ،جھلجاؤ روڈ شامل ہیں۔
نیو گوادر انٹرنیشنل ائیرپورٹ اور 132 کے وی کی پنجگور ،ناگ-بسیمہ نل ٹرانسمیشن لائن سرفہرست ہیں۔
دورہ کے دوران وزیراعظم گوادر یونیورسٹی کے ہونہار طلباء و طالبات میں لیپ ٹاپ تقسیم اور تقاریب سے خطاب کریں گے، شہباز شریف گوادر کے مستحق ماہی گیروں میں امدادی چیک بھی تقسیم کریں گے۔
دوسری جانب وزیراعلیٰ بلوچستان عبدالقدوس بزنجو نے وزیراعظم کی تقریب میں شرکت نہ کرنے کا فیصلہ کیا ہے۔
عبدالقدوس بزنجو نے شکوہ کیا ہے کہ بلوچستان مالی مشکلات سے دوچار ہے، وفاق نے صوبے کو مالی بحران سے نکالنے کے وعدے پورے نہیں کئے۔
