وزیراعظم شہباز شریف آج سیالکوٹ کا دورہ کریں گے

سیالکوٹ (آئی پی ایس)وزیرِ اعظم میاں محمد شہباز شریف آج سیالکوٹ کا دورہ کریں گے۔

شہباز شریف وزیرِ اعظم یوتھ لیپ ٹاپس سکیم کی تقریب میں شرکت کریں گے، تقریب میں ہونہار اور قابل طلباء و طالبات میں لیپ ٹاپس بھی تقسیم کریں گے۔

وزیرِ اعظم محمد شہباز شریف آج لاہور میں بھی وزیرِ اعظم یوتھ بزنس اینڈ ایگریکلچر لون سکیم کے تحت کامیاب نوجوانوں میں چیکس بھی تقسیم کریں گے۔

یوتھ بزنس اینڈ ایگریکلچر لون سکیم باصلاحیت نوجوانوں کو اپنا کاروبار شروع کرنے کیلئے آسان شرائط پر کم سود والے قرض کی فراہمی یقینی بنا رہا ہے، خواتین کو با اختیار بنانے کیلئے اس سکیم میں انکا خصوصی کوٹہ مقرر کیا گیا ہے۔

وزیرِ اعظم شہباز شریف تقریب سے خطاب بھی کریں گے۔