کراچی (آئی پی ایس )پاکستان کے مشہور قوال امجد صابری کو مداحوں سے بچھڑے 7 برس ہوگئے۔
امجد صابری کو سن 2016 میں فائرنگ کر کے قتل کیا گیا تھا تاہم سالوں بعد بھی قوال کی یاد مداحوں کے دلوں میں زندہ ہے۔
برصغیر کے معروف قوال گھرانے سے تعلق رکھنے والے امجد صابری استاد غلام فرید صابری کے گھر 23 دسمبر 1976 کو کراچی میں پیدا ہوئے۔ صابری برادران کے نام سے مشہور اپنے والد اور چچا سے قوالی کی تربیت حاصل کی اور چھوٹی سی عمر سے ہی اس فن سے وابستہ ہوگئے۔
امجد صابری نے پاکستان سمیت بہت سے ممالک میں اپنے فن کا مظاہرہ کیا اور خوب شہرت کمائی۔
امجد صابری کو ماہِ رمضان 22 جون 2016ء میں کراچی میں اس وقت قتل کیا گیا جب وہ گھر سے رمضان ٹرانمیشن میں شرکت کیلئے روانہ ہوئے تھے۔
یاد رہے امجد صابری کے قاتلوں کو گرفتار کر لیا گیا تھا جنہوں نے جرم کا اعتراف بھی کیا۔
