اسلام آباد (آئی پی ایس ) الیکشن کمیشن نے آئندہ عام انتخابات کے لئے پولنگ سکیم ڈرافٹ تیار کرلیا۔
ملک بھر میں 93 ہزار 371 پولنگ اسٹیشنز قائم کئے جائیں گے، پنجاب میں 49 ہزار 871 پولنگ سٹیشنز قائم کئےجائیں گے جن میں 14 ہزار 960 پولنگ سٹیشنز انتہائی حساس، 9 ہزار 974 پولنگ سٹیشنز حساس قرار د ئیے گئے ہیں،خیبرپختونخوا میں 15 ہزار 708 پولنگ سٹیشن قائم کئےجائیں گے۔
4 ہزار 296 پولنگ سٹیشنز انتہائی حساس، 6 ہزار 549 پولنگ سٹیشنز حساس قرار د ئیےگئے ہیں، سندھ میں 19 ہزار 348 پولنگ سٹیشنز قائم کئے جائیں گے،4 ہزار 823 پولنگ سٹیشنز کو حساس قرار دیا گیا ہے۔
بلوچستان میں 5 ہزار 15 پولنگ سٹیشنز قائم کئے جائیں گے، 2 ہزار 83 پولنگ سٹیشنز کو حساس قرار دیا گیا ہے، اسلام آباد میں ایک ہزار 41 پولنگ سٹیشنز قائم کئے جائیں گے۔
