ممبئی(آئی پی ایس) بھارتی ڈراموں کی مایہ ناز اداکارہ اور بگ باس کے سیزن 16 کی امیدوار سنبل توقیر خان نے اپنے والد توقیر حسن خان کی دوسری شادی کروادی۔
بھارتی میڈیا کے مطابق سنبل کے والد کے نکاح کی تقریب گھر پر ہی منعقد کی گئی جس میں قریبی رشتہ داروں اور دوست احباب نے شرکت کی، جب کہ نکاح 15 جون کو ہوا۔
19 سالہ سنبل نے ہی اپنے والد حسن خان کو اس نکاح کے لئے آمادہ کیا، وہ چاہتی تھیں کہ ان کے والد جنہوں نے ساری زندگی سنبل اور اس کی بہن ثانیہ کی پرورش میں لگادی، اب وہ اپنی خوشی کی خاطر سیٹ ہوجائیں۔
سنبل اور ان کی بہن ثانیہ نے نکاح کی تقریبات میں بڑھ چڑھ کر حصہ لیا، جب کہ سنبل نے اپنے انسٹاگرام اکاؤنٹ پر تصاویر بھی شیئر کیں جس پر مبارکبادوں کا سلسلہ بندھ گیا۔
