لاہور (آئی پی ایس) معروف ماڈل اور اداکارہ نادیہ حسین نے انکشاف کیا ہے کہ سٹاک مارکیٹ میں سرمایہ کاری کے دوران ان کے پیسے ڈبل ہونے پر انہیں بروکر سے پیار ہوگیا تھا جو بعد میں ان کے شوہر بن گئے۔
ایک انٹرویو کے دوران گفتگو میں اداکارہ و ماڈل نادیہ حسین نے بتایا کہ کیریئر کے عروج پر جب میں نے سٹاک مارکیٹ میں سرمایہ کاری کرنا شروع کی تو اس دوران اپنے بروکر کیساتھ محبت میں مبتلا ہوگئی تھی جس کے بعد میں نے ان سے شادی کر لی۔
اداکارہ نے کہا کہ میں نے اپنے شوہر کو چیلنج دیا تھا کہ اگر میرے پیسے ڈبل کرکے د ئیے تو میں انہیں ڈنر کرواؤں گی، اس پر نادیہ حسین نے مسکراتے ہوئے کہا کہ مجھے لگتا ہے کہ شوہر نے اپنے پیسے ملا کر میرے پیسے ڈبل کرکے د ئیےہوں گے تاکہ مجھے متاثر کر سکیں۔
اداکارہ نادیہ حسین نے مزید کہا کہ آج تک ان کے شوہر نے انہیں یہ نہیں بتایا کہ واقعی ان کے پیسے سرمایہ کاری سے ڈبل ہوئے تھے یا انہوں نے خود اپنے پیسے ملا کر انہیں ڈبل کرکے د ئیے تھے۔
