لاہور (آئی پی ایس)پاکستان کرکٹ ٹیم کے وکٹ کیپر بیٹر محمد حارث کا کہنا ہے انہیں اپنی بیٹنگ میں صبر لانے کی ضرورت ہے اور کیمپ میں اسی پر کام کر رہے ہیں ۔
نوجوان وکٹ کیپر محمد حارث نے نجی ٹی وی چینل سے گفتگو کرتے ہو ئے کہا کہ میں بیٹنگ میں تحمل اور ٹھہراؤ لانے کی کوشش کر رہا ہوں ، مجھے بیٹنگ میں صبر کی ضرورت ہے ، چوکا چھکا مار سکتا ہوں، اب مجھے سنگلز اور ڈبلز بھی لینا ہیں ، اگر میں تحمل کیساتھ کھیلوں تو 35 کو 50 اور 50 کو ستر رنز میں تبدیل کر سکتا ہوں ، اس کیلئے مجھے گراؤنڈ شاٹس کھیلنے کی پریکٹس کرنا ہے اور اس میں بہتری لانا ہے ۔
محمد حارث نے مزید کہا کہ میری کوشش ہے تینوں فارمیٹ میں پاکستان کی نمائندگی کروں ، میں ٹی 20 اگر تیز کھیلتا ہوں تو اس کا مطلب یہ نہیں کہ میں اسی فارمیٹ میں رہوں ، بھارتی کیپر ریشبھ پنت سمیت کئی کیپرز تینوں فارمیٹ میں تیز کھیلنے کی وجہ سے ہیں ، ایڈم گلکرسٹ بھی ماضی میں ہر فارمیٹ میں تیز کھیلتے تھے ۔محمد حارث نے کہا کہ میں انگلینڈ کے جوز بٹلر سے بہت متاثر ہوںور ان ہی کو دیکھتاہیں اور سیکھتا ہوں ۔محمد حارث نے وکٹ کیپنگ کے شعبے میں آٹو میٹک چوائس محمد رضوان اور دیگر وکٹ کیپر کیساتھ مقابلے کے حوالے سے کہا کہ محمد رضوان مجھے بہت متحرک رکھتے ہیں۔
سپورٹ کرتے ہیں ، جب میں زیرو پر آؤٹ ہو جاؤں اور اننگز اچھی نہ ہو تو وہ میرے کمرے میں آجاتے ہیں اور مجھے بتاتے ہیں اور سپورٹ کرتے ہیں۔انہوں نے کہا کہ کے پی کے میں بھی انہوں نے مجھے بہت موقع دیا ، کیپرز میں مقابلہ رہتا ہے اسی لئے اب میں اچھا فیلڈر بننے کیلئےمحنت کر رہا ہوں تاکہ مجھے بیٹر کی حیثیت سے بھی کھلایا جائے تو میں خود کو اچھا فیلڈر بھی ثابت کروں اس کیلئے میں بہت پریکٹس کر رہا ہوں ۔
ان کا ماننا ہے کہ پاکستان کے فاسٹ بولرز دنیا کے بہترین فاسٹ بولرز ہیں ، نیٹ پریکٹس میں انہیں کھیلنے کی وجہ سے اپوزیشن کے بولرز کو کھیلنے میں آسانی ہوتی ہے ، خاص طوپر ٹی 20ورلڈ کپ میں مجھے اپنے بولرز کو کھیلنے کی وجہ سے بہت فائدہ ہوا ۔
