ممبئی (آئی پی ایس)بالی وڈ اداکارہ امیشا پٹیل نے چیک باؤنس کیس میں رانچی سول کورٹ میں سرینڈر کردیا۔بھارتی میڈیا کے مطابق بالی وڈ اداکارہ امیشا پٹیل کے سرینڈر کئے جانے کے بعدسینئر ڈویژن جج ڈی این شکلا نے اداکارہ کی ضمانت منظور کرتے ہوئے ا نہیں 21 جون کو دوبارہ ذاتی حیثیت میں طلب کرلیا۔
واضح رہے کہ 2018 میں جھارکنڈ سے تعلق رکھنے والے فلم پروڈیوسر اجے کمار نے امیشا پٹیل کیخلاف چیک باؤنس کا مقدمہ درج کروایا تھا۔مقدمے کے متن کے مطابق2018 میں انہوں نے جھارکنڈ میں ایک تقریب کے دوران امیشا پٹیل سے ملاقات کی اس دوران اداکارہ نے اجے کمار کو اپنی فلم پراجیکٹ پر انویسٹ کرنے کیلئے راضی کرلیا لیکن فلم کامیاب نہ ہوسکی۔ مقدمے میں الزام عائد کیا گیا کہ جب اجے کمار نے اپنی رقم کا مطالبہ کیا تو امیشا نے ان کی کمپنی کو ڈھائی کروڑ بھارتی روپے کے چیک د ئیےلیکن چیک باؤنس ہوگئے۔
