لاہور(آئی پی ایس)پاکستان کرکٹ ٹیم کے فاسٹ بولر حسن علی نے سری لنکا کے خلاف دو میچز پر مشتمل ٹیسٹ سیریز میں اپنی سلیکشن پر پیغام جاری کیا ہے۔
حسن علی نے ٹیم میں نام آنے پر اپنے ٹوئٹر پر پیغام جاری کیا اور اللہ تعالیٰ کا شکر ادا کیا ہے۔قومی کرکٹر نے اپنی ٹوئٹ میں لکھاپاکستان اور سری لنکا کے درمیان سیریز کے لیے پاکستانی ٹیم میں واپسی پر بے حد خوش ہوں ۔
حسن علی نے کہامیں اپنی طرف سے سو فیصد دینے کا منتظر ہوں اور ورلڈ ٹیسٹ چیمپئن شپ 2025-2023 کی کیمپین کا آغاز نئے مقاصد کے ساتھ کرنے کے لیے تیار ہوں ۔خیال رہے کہ حسن علی ان دنوں انگلینڈ میں ہونے والی لیگ کاؤنٹی چیمپئن شپ میں ٹیم واروک شائر کی نمائندگی کررہے ہیں، حسن علی کی کاؤنٹی چیمپئن شپ میں کارکردگی نمایاں ہے، حال ہی میں انہوں نے ناٹنگھم شائر کے خلاف 5 وکٹیں لیں۔
