ممبئی (آئی پی ایس)بھارت کے معروف کامیڈی شو دی کپل شرما شو کے جونیئر اداکار تیرتھ آنند راؤ نے فیس بُک پر لائیو سیشن کے دوران زہر پی لیا۔
بھارتی میڈیا کی رپورٹس کے مطابق کپل شرما کے پروگرام کے اداکارنے فیس بک پر لائیو سیشن کیا جس دوران انہوں نے بتایا کہ ان کے ایک خاتون سے تعلقات تھے جو اب انہیں جذباتی طور پر ہراساں کررہی ہے۔
تیرتھ آنند راؤ کے مطابق وہ خاتون دو بچیوں کی ماں ہے جب کہ کچھ عرصہ وہ ان خاتون کے ساتھ لیو اِن رلیشن شپ میں بھی رہے، لائیو سیشن کے دوران اداکار نے کہا کہ ان کی اس حالت کی ذمہ دار وہ خاتون ہے اور اگر انہیں کچھ ہوا تو انہیں انصاف ملنا چاہیے۔
