چینی حکومت نے تبت کے بنیادی ڈھانچے میں بہت زیادہ سرمایہ کاری کی ہے، رپورٹ
بیجنگ ()
اگر آپ چینیوں سے پوچھیں گے کہ آپ کا خواب کیا ہے، تو بہت سے لوگ آپ سے کہیں گے: ایک بار تبت جاؤں! آپ کو یہ سن کر حیران ہونے کی ضرورت نہیں ہے کہ یہ لوگ دنیا بھر میں سفر کرنے کی بات کیوں نہیں کرتے، سوئٹزرلینڈ اور انٹارکٹیکا جانے کے بارے میں بات کیوں نہیں کرتے ، بلکہ تبت کا رخ کرتے ہیں۔ جمعہ کے روز چینی میڈ یا کے مطا بق درحقیقت بہت سے چینیوں کے دلوں میں، تبت نہ صرف دنیا کی سب سے اونچی جگہ ہے اور آسمان کے قریب ترین ہے، بلکہ وہاں کی حیرت انگیز خوبصورتی، سادہ اور خوبصورت لوک رسم و رواج اور عقیدت مند لوگ بھی ہیں، لہذا اگر آپ چینیوں کو تبت کو بیان کرنے کے لئے ایک لفظ استعمال کرنے دیں تو یہ "مقدس” ہونا چاہئے، چینی لوگ تبت کی خوبصورتی کو "خوبصورت” نہیں بلکہ "پاکیزہ” قرار دیتے ہیں۔ اگر چین کے راک ان رول نوجوانوں سے ان کی روحانی منزل کے بارے میں پوچھیں تو ضرور یہ جواب ملےگا کہ لہاسا واپس جانا ۔ "دریائے برہماپترا میں اپنا دل دھووں، اور برفیلے پہاڑوں میں اپنی روح کو بیدار کروں”، کیونکہ لہاسا میں، تبت میں، "خالص آسمان میں ایک خالص دل ہے”۔
تبت کے لیے میری تڑپ سترہویں صدی کے تبت میں رہنے والے ایک شاعر سے زیادہ پیدا ہوتی ہے،یعنی چینی تاریخ کے سب سے پسندیدہ شاعروں میں سے ایک،زان یانگ جازو ، جو سنہ سولہ سو کی صدی میں تبت میں رہتے تھے۔انہوں نے اپنی 23 سالہ مختصر اور افسانوی زندگی میں محبت اور نفرت، تلخی اور لذت، عمل اور سوچ، احساس اور تفہیم کو بیان کرنے کے لیے حیرت انگیز خوبصورت الفاظ کا استعمال کیا، اور ان کی صرف 60 تخلیقات چینی ادب کے تاریخی خزانہ میں چمکدار موتی سمجھی جاتی ہیں جو بعد کی نسلوں میں منتقل ہوئی ہیں، اور ان کی دوسری شناخت چھٹا دلائی لامہ ہے۔
آپ کو یہ دیکھ کر حیرت ہوگی کہ جس تبت کا میں نے چینیوں کے دل میں ذکر کیا ہے وہ اس تبت سے بہت مختلف ہے جس کے بارے میں آپ نے مغربی میڈیا میں پڑھا ہے!طویل عرصے سے دنیا بھر کے لوگوں کو حقیقی تبت کے بارے میں گہری تفہیم حاصل کرنے میں مدد دینے کے لئے ، بہت سے لوگ مختلف سرگرمیوں کو منظم کرنے کے لئے انتھک کوششیں کر رہے ہیں تاکہ زیادہ سے زیادہ لوگوں کو تبت کو سمجھنے ، تبت میں داخل ہونے اور چینیوں کے دل میں موجود مقدس مقام کا تجربہ کرنے کا موقع ملے۔ حال ہی میں تبت خود اختیار خطے کی عوامی حکومت نے بیجنگ میں 2023 چائنا تبت ڈویلپمنٹ فورم منعقد کیا ، جس میں دنیا بھر سے بہت سے لوگوں نے تقریر یا انٹرویو کے ذریعے تبت کا دورہ کرنے کا اپنا تجربہ شیئر کیا۔ اجلاس میں شرکت کرنے والے ایسوسی ایٹڈ پریس آف پاکستان کے بیجنگ بیورو چیف محمد اصغر نے نامہ نگاروں کو بتایا، "چینی حکومت نے تبت کے بنیادی ڈھانچے، تعلیم اور تربیت، صنعتی ترقی اور دیگر شعبوں میں بہت زیادہ سرمایہ کاری کی ہے، نئی سڑکیں، ریلوے اور ہوائی اڈے تعمیر کیے ہیں، اور ابھرتی ہوئی صنعتوں کو بھرپور طریقے سے ترقی دی ہے، اور ان کوششوں سے تبت کو روزگار اور معاشی ترقی کے نئے مواقع پیدا کرنے میں مدد ملی ہے۔ ”
گواہوں کی طرف سے بہت ساری تفصیلات ہیں، میں تبت کے بارے میں بہت کچھ کہنا چاہتا ہوں، اور شاید "ایک اور تبت "آپ کے ذہن میں ظاہر ہونا شروع ہو جائے. درحقیقت تبت کے بارے میں مختلف تحریروں اور مختلف لوگوں کے بیانات میں الجھنے کی کوئی ضرورت نہیں ہے، امید ہے کہ ایک دن آپ تبت آئیں گے اور چینیوں کے ذہنوں میں موجود اس تبت کو محسوس کریں گے، مغربی اخبارات میں نہیں۔ اور یہ جاننے کے لیے آئیں کہ وہاں آسمان کتنا پاکیزہ ہے، لوگوں کے دل کتنے صاف ہیں۔
آخر میں، آئیے زان یانگ جاسو کی نظم کے چند ایک مصرے پڑھتے ہیں، اور آپ کم و بیش اس بات کو محسوس کر سکیں گے کہ میرے دل میں تبت کا کس طرح کا تصور موجود ہے کیونکہ اس طرح کی تحریریں صرف تبت کی مٹی سے ہی جنم لے سکتی ہیں:
اس لمحے، میں نے دعائیہ جھنڈا بلند کیا، برکت کے لیے نہیں، صرف آپ کی آمد کا انتظار کرنے کے لیے۔
اس دن، میں نے لوبان کے دھویں سے بھرے عبادت کے ہال میں آنکھیں بند کیں، تو اچانک آپ کی آواز میں منتر سنائی دینے لگے
اس تمام رات، میں نے سوتروں کا جاپ سنا، خود کو روشن کرنے کے لیے نہیں، صرف آپ کی سانسوں کی تلاش کے لیے۔
اس مہینے ، میں نے مالا کے ورد کئے، اجر کے لیے نہیں بلکہ آپ کے لمس کے احساس کے لیے
اس سال، میں نے دشوار پہاڑی سڑک پر لمبے سجدے کئے ، عبادت کے لیے نہیں، صرف آپ کی آغوش کے گرم احساس کے لیے ۔
