اسلام آباد (آئی پی ایس )جمعیت علما اسلام نے سپریم کورٹ کے باہر پاکستان ڈیموکریٹک مومنٹ کے تحت مجوزہ دھرنا چیف جسٹس کے استعفے تک جاری رکھنے کا اعلان کردیا۔
صدر پاکستان ڈیموکریٹک مومنٹ مولانا فضل الرحمان کے ترجمان کا کہنا ہے کہ دھرنے میں ایک لاکھ سے زائدکارکنان شرکت کریں گے، تمام صوبوں سے ہزاروں کارکنوں کے قافلے اسلام آباد لانے کی تیاری مکمل کرلی گئی۔
ترجمان کے مطابق پنجاب بھر کے قافلے ڈاکٹرعتیق الرحمان کی قیادت میں اسلام آبادآئیں گے، بلوچستان کے قافلے کی قیادت عبد الغفور حیدری اور مولاناعبدالواسع کریں گے۔ سندھ سے قافلے راشد محمود سومروکی قیادت میں اسلام آباد پہنچیں گے، خیبرپختونخوا کے جنوبی اضلاع کے قافلے کی قیادت اکرم خان درانی کریں گے۔ پشاور سے آنے والے قافلے کی قیادت مولاناعطاالرحمان کریں گے۔
جاری بیان کے مطابق دھرنے میں شرکت کیلیے خیبرپختونخوا کے جنوبی اضلاع اور پنجاب سے کارکنان پیر کوروانہ ہوں گے جبکہ کراچی سے جے یوآئی کے کارکنوں کے قافلے کل روانہ ہوں گے۔
