موٹروے پولیس نے ایم فور(ملتان فیصل آباد موٹروے)پر کروڑوں روپے مالیت کی اٹھارہ کلو ہیروئن فیصل آباد لیجانے والے ماں بیٹے کو گرفتار کرلیا۔
ترجمان موٹروے پولیس کے مطابق ایک مشکوک گاڑی کو رکنے کا اشارہ کیا گیا مگر ڈرائیور نے رفتار مزید بڑھا کر فرار ہونے کی کوشش کی۔
موٹروے پولیس نے تعاقب کرکے مشکوک گاڑی کو روک لیا جس میں خرم اور لبنی نامی ماں بیٹا سوار تھے۔
گاڑی کی تلاشی کے دوران کروڑوں روپے مالیت کی اٹھارہ کلو ہیروئن برآمد ہوگئی۔
ترجمان کے مطابق ملزمان پشاور سے ہیروئن اسمگل کرکے فیصل آباد لے جارہے تھے۔
موٹروے پولیس نے ملزمان کو حراست میں لے کر فیصل آباد کے تھانہ ساہیانوالہ پولیس کے حوالے کردیا ہے۔
