اسلام آباد-معروف اسکالر پروفیسر سجاد قمر نے کہا ہے کہ بیت المال کا ادارہ غریب اور نادار عوام کے لیے ایک بہترین سہارا بن سکتا ہے۔عامر پراچہ عوام تک اس کی رسائی مزید آسان کر رہے ہیں۔ان خیالات کااظہار انھوں نے پاکستان بیت المال کے ایم ڈی عامر فدا پراچہ کے دفتر میں ان کے ساتھ ملاقات کے دوران کیا۔اس موقع پر انھوں نے عامر فدا پراچہ کو یہ منصب سنبھالنے پر مبارکباد دی اور امید ظاہر کی کہ جس طرح زمرد خان اور بیرسٹر عابد وحید شیخ نے اس کو خدمت کا ادارہ بنایا۔
عامر پراچہ اس کو مزید آگے لے کر جائیں گے۔انھوں نے کہا کہ بیت المال کو نئے ایونیو تلاش کرنے چاہیے ہیں۔پاکستان کے عوام دنیا میں سب سے زیادہ خیرات کرتے ہیں۔ضرورت اس بات کی ہے کہ عوام کے اندر ان اداروں کا اعتماد پیدا کیا جائے۔اور معاشرے کے بااثر طبقات کو بیت المال کے ساتھ منسلک کر کے معاشرے سے غربت کم کی جائے۔اس موقع پر ایم ڈی بیت المال پاکستان عامر فدا پراچہ نے کہا کہ سیلاب کحادثے سے نمٹنیکے لیے بیت المال بھی اپنا بھرپور کردار ادا کر رہا پے۔ہمارے پاس مربوط دفاتر اور ڈیٹا ہے۔جو این ڈی ایم اے کے لیے مددگار ثابت ہو سکتا ہے
۔انھوں نے کہا کہ پاکستانی قوم نے بھرپور ایثار اور قربانی کا مظاہرہ کیا ہے۔اور انشااللہ اسی جذبے کے تحت ہم بحالی کا سفر بھی کریں گے۔انھوں نے کہا کہ وہ بیورو کریٹ نہیں بلکہ عوام کے نمائندے ہیں اور انھوں نے اپنے دفتر کے دروازے سب کے لیے کھول دیے ہیں۔انھوں نے کہا کہ کوئی بھی ضرورت مند اور جس کا کام رکا ہوا ہو وہ براہ راست آ کر مجھے ملتا ہے۔انھوں نے کہا کہ جب تک سرکاری دفاتر کے دروازے عوام کے لیے نہیں کھلتے تب تک مسائل کا حل ہونا ممکن نہیں۔انھوں نے کہا کہ وہ بیت المال کو مزید مضبوط بنانے کا ارادہ رکھتے ہیں۔
