اسلام آباد(آئی پی ایس )وفاقی وزیر اطلاعات و نشریات مریم اورنگزیب نے کہا ہے کہ ترکیہ سے امدادی سامان لے کر دو جہاز پیر کو کراچی پہنچیں گے۔اتوار کو اپنے ٹویٹس میں انہوں نے کہاکہ کراچی میں ترکیہ کے قونصل جنرل ہوائی اڈے پر امدادی سامان پاکستانی حکام کے حوالے کریں گے۔
امدادی سامان میں خیمے، ادویات اور دیگر اشیا شامل ہیں۔ واضح رہے کہ وزیراعظم شہباز شریف کی ترکیہ کے صدر رجب طیب اردوان سے گزشتہ روز ٹیلی فون پر گفتگو ہوئی تھی۔ اس موقع پر وزیراعظم شہباز شریف نے ترکیہ کے صدر کو پاکستان میں سیلاب کی تباہ کاریوں سے آگاہ کیا تھا۔
ترکیہ سے امدادی سامان لے کر دو جہاز کل کراچی پہنچیں گے کراچی میں ترکیہ کے قونصل جنرل کل صبح ہوائی اڈے پر امدادی سامان پاکستانی حکام کے حوالے کریں گے امدادی سامان میں خیمے، ادویات اور دیگر اشیاء شامل ہیں #PMReliefFund pic.twitter.com/ZNwM6brFQb
— Marriyum Aurangzeb (@Marriyum_A) August 28, 2022
وزیر اطلاعات نے مزید کہا کہ ترکیہ سے مزید امدادی سامان آنے کا بھی امکان ہے۔ انہوں نے اپنے ٹویٹ میں امدادی سامان کی تصویر بھی شیئر کی۔
