اسلام آباد(آئی پی ایس)پاکستان ٹی وی انڈسٹری کی معروف جوڑی اداکارہ جویریہ اور سعود سوشل میڈیا صارفین کی جانب سے شدید تنقید کی زد میں آگئے۔
گزشتہ دنوں جویریہ نے انسٹا گرام پر اپنی اور اپنے شوہر سعود کی تصویر شیئر کی تھی۔شئیر کی گئی تصویر میں انہوں نے احرام باندھا ہوا ہے جس کے کیپشن میں حج کے لیے اللّٰہ تعالیٰ کا شُکر ادا بھی کیا۔
اس پوسٹ کو شیئر کرنے پر جہاں سوشل میڈیا صارفین کی جانب سے ان کے لیے نیک خواہشات کا اظہار کیا گیا وہیں کئی سوشل میڈیا صارفین کی جانب سے انہیں ساتھی اداکاروں اور کریو ممبرز کے واجبات ادا نہ کرنے پر شدید تنقید کا نشانہ بھی بنایا جا رہا ہے۔
سوشل میڈیا صارفین کا کہنا ہے کہ حج کی ادائیگی سے قبل جویریہ اور سعود کو اپنے ذمے تمام متاثرین کے بقیہ واجبات فوری ادا کرنے چاہئیں۔واضح رہے کہ جویریہ اور سعود رواں سال حجِ اکبر کی سعادت حاصل کر رہے ہیں۔
