سیول(آئی پی ایس)امریکہ اور جنوبی کوریا نے جاپان کے قریب سمندر میں بیلسٹک میزائلوں کی مدد سے تجرباتی اہداف کو نشانہ بنایا ہے۔ ان دونوں اتحادی ممالک نے یہ اقدام شمالی کوریا کی جانب سے اتوار کے روز کیے گئے بیلسٹک میزائل کے نئے تجربات کے جواف میں اٹھایا ہے۔
جنوبی کوریا کی فوج کیمطابق، آٹھ پراجیکٹائل پیر کی صبح جاپان کے سمندر میں گرے۔ یہ کارروائی شمالی کوریا کی میزائل لانچنگ سائٹس یا وہاں موجود کمانڈ سینٹرز کے خلاف درست حملے کرنے کی صلاحیت اور آمادگی کا مظاہرہ تھی۔ شمالی کوریا نے امریکہ اور جنوبی کوریا کے مشترکہ سمندری مشق کے جواب میں اتوار کو آٹھ میزائل داغے تھے۔
