اسلام آباد(آئی ایس پی)پاکستان بھر میں آج موسم کیسا رہے گا؟ محکمہ موسمیات نے پیش گوئی کردی ۔
محکمہ موسمیات کا کہنا ہے کہ ملک کے بیشتر علاقوں میں آج موسم گرم اور خشک جبکہ پنجاب اور بالائی سندھ میں شدید گرم رہنے کے واضح امکانات ہیں جبکہ ملک کے ساحلی علاقوں میں گرمی کی شدت میں کا بھی امکان ہے۔
سندھ کے بیشتر علاقوں میں موسم گرم اورخشک جبکہ بالائی اضلاع میں شدید گرم رہے گا۔
دوسری جانب کراچی میں رواں ہفتے ہیٹ ویو کے کوئی خدشات واضح نہیں ہیں تاہم آج دن بھر گرمی کی شدت محموسم کی جائے گی جبکہ باشرش کے کوئی امکانات نہیں ہیں۔
پنجاب کے بیشتر علاقوں میں موسم شدید گرم اور خشک رہے گا۔
گرمی کی شدت مین اضافے کے باعث محکمہ صحت پنجاب اور پاک فوج کی امدادی سرگرمیاں صوبہ بھر میں جاری ہیں۔
اسلام آباد میں موسم گرم رہنے کے علاوہ شام میں تیز ہوائیں چلنے اور گرج چمک کے ساتھ ہلکی بارش کا امکان ہے۔
اسلام آباد میں زیادہ سے زیادہ درجہ حرارت 38 ڈگری سینٹی گریڈ تک رہنے کا امکان ہے جبکہ ہوا میں نمی کا تناسب %35 تک رہنے کا امکان ہے۔
خیبرپختونخوا کے بیشتر علاقوں میں موسم گرم اورخشک رہے گا تاہم خطہ پوٹھوہار، بالائی خیبر پختونخوا، گلگت بلتستان اور کشمیرمیں بعض مقامات پرتیزہواؤں اور گرج چمک کے ساتھ بارش ہو سکتی ہے.
دیر، چترال، مانسہرہ ، مالا کنڈ، کرم اور سوات میں بعض مقا مات پر تیز ہواؤں اور گرج چمک کے ساتھ بارش ہوسکتی ہے۔
اسکے علاوہ گلگت بلتستان اور کشمیر میں مطلع جزوی ابرآلودرہنے کےعلاوہ بعض مقامات پرتیز ہواؤں اور گرج چمک کے ساتھ ہلکی بارش کا امکان ہے۔
بلوچستان کے بیشتر علاقوں میں موسم گرم اورخشک رہے گا۔
