لاہور(آئی پی ایس )سابق قومی کرکٹرمحمد حفیظ ملک کی موجودہ صورتحال پر سیاستدانوں پر برس پڑے۔سماجی رابطوں کی ویب سائٹ ٹوئٹر پر ایک پیغام میں محمد حفیظ کا کہنا تھا کہ لاہورمیں کسی پٹرول اسٹیشن پرپٹرول دستیاب نہیں، اے ٹی ایم مشینوں میں کیش نہیں ہے۔انہوں نے سوال کیا کہ سیاسی فیصلوں سےعوام کا نقصان کیوں کیا جا رہا ہے؟
انہوں نے اپنی ٹویٹ میں وزیراعظم شہباز شریف، چیئرمین پی ٹی آئی عمران خان، مسلم لیگ ن کی نائب صدر مریم نواز اور وزیر خارجہ بلاول بھٹو زرداری کو ٹیگ کیا ہے۔واضح رہے کہ پی ٹی آئی کے لانگ مارچ کے باعث ملک بھر کے مختلف شہروں میں راستے بند کر دیے گئے۔راستوں کی بندش، کنٹینرز کی پکڑ دھکڑ اور بد امنی کے خدشے کے پیش نظر آئل کمپنیز نے پنجاب میں تیل کی ترسیل روک دی ہے۔
No Petrol available in any petrol station in Lahore??? No cash available in ATM machines?? Why a common man have to suffer from political decisions. @ImranKhanPTI @CMShehbaz @MaryamNSharif @BBhuttoZardari
— Mohammad Hafeez (@MHafeez22) May 24, 2022
