اسلام آباد(آئی پی ایس)وفاقی دارالحکومت میں ہلکی بوندہ باندی سے موسم خوشگوار ہو گیا جبکہ محکمہ موسمیات نے ملک کے دیگر حصوں میں بھی بارش کی خوشخبری سنا دی ۔
محکمہ موسمیات کے مطابق آئندہ چند دنوں میں گرمی کی لہر کم ہوجائے گی، مغربی ہواؤں کاسلسلہ آج رات پاکستان کے بالائی علاقوں میں داخل ہو کر 24 مئی تک موجود رہے گا جب کہ مختلف علاقوں میں رات کے اوقات میں آندھی اور گرج چمک کےساتھ بارش سے گرمی کا زور ٹوٹ جائےگا۔
محکمہ موسمیات کا کہنا ہےکہ مغربی ہواؤں، بارش اورتیز ہواؤں سے بیشتر علاقوں میں درجہ حرارت کم ہوجائےگا، رات کےاوقات میں اسلام آباد، راولپنڈی ، میانوالی، سرگودھا، خوشاب، اٹک، چکوال اور جہلم میں بھی بارش کا امکان ہے۔
اس کے علاوہ لاہور، حافظ آباد، منڈی بہاؤالدین، سیالکوٹ، نارووال، شیخوپورہ، فیصل آباد اور جھنگ میں آندھی کے ساتھ بارش ہوسکتی ہے۔
