اسلام آباد(آئی پی ایس)معروف ماڈل ایان علی عمران خان کے الزامات پر میدان میں آگئیں۔
عمران خان کے الزاما ت کے جواب میں ایان علی نے ٹویٹر پر میدان سنبھالا اور جواب دیتے ہوئے کہا کہ ” دو عادات شاید آپ مرتے دم تک نہیں چھوڑ سکتے،پہلی میرے نام پر TRP کمانا (کیونکہ خود کمانا و کھانا آپ کی فطرت نہیں)،دوسری جھوٹ بولنا (کیونکہ سچ بولنا آپ نے سیکھا نہیں)،چار سال وزیر اعظم رہے، پھر بھی مجھ پر جھوٹا الزام لیے بغیر آپ کی تقریر و خبر نہیں بنتی جیسے پہلے نہیں بنتی تھی ۔
واضح رہے کہ سابق وزیراعظم عمران خان نے سنگین الزام عائد کرتے ہوئے ایان علی کے کسٹم آفیسر کو مروا دیا ، شہنشاہ اور جسٹس سجاد کو زرداری نے مروادیا تھا ۔ عمران خان کے بیان پر ماڈل ایان علی بھی میدان میں آ گئی ہیں اور انہوں نے ٹویٹر پر زور دار پیغام جاری کر دیاہے ۔
عمران خان نے اٹک میں جلسے سے خطاب کرتے ہوئے کہا کہ ملک تباہی کی طرف جارہاہے ، ڈاکٹر رضوان کو سلام پیش کرتاہوں ، ہمارے افسر اس مافیاز سے ڈرتے ہیں ، ڈاکٹر رضوان نے حمزہ شہباز سے 16 ارب کا سوال پوچھا تو انہوں نے دھمکی دی ، انہوں نے ایان علی کے کسٹم آفیسر کو مروا دیا ، شہنشاہ اور جسٹس سجاد کو زرداری نے مروا دیا تھا ، اگر یہ لوگ کامیاب ہو گئے تو ملک تباہی کی طرف جائے گا، بڑے چوروں کو نہ پکڑنا تباہی کا راستہ ہے ، بیس مئی کے بعد اسلام آباد کی کال دوں گا تو سب نے نکلنا ہے ، آپ لوگوں کو کسی چیز کا خوف نہیں ہونا چاہیے ۔
