اسلام آباد (آئی پی ایس )ایون فیلڈ ریفرنس میں قومی احتساب بیورو(نیب)پراسیکیوٹر امتیاز صدیقی نے نیب کی مزید نمائندگی نہ کرنے کا فیصلہ کرلیا۔
امتیاز صدیقی نے ایون فیلڈ ریفرنس میں کیس کی پیروی کرنے اورکل اسلام آبادہائیکورٹ میں پیش ہونے سے معذرت کر لی۔ انہوں نے نیب کو پیش نہ ہونے سے متعلق آگاہ کردیا۔مریم نواز اور کیپٹن ریٹائرڈ صفدر کی اپیلوں پر سماعت جمعرات کو اسلام آباد ہائیکورٹ میں ہوگی۔
