پی ٹی آئی رہنما شیخ راشد شفیق کو اٹک کی مقامی عدالت میں پیش کر دیا گیا، پی ٹی آئی رہنما ذولفی بخاری، اپوزیشن لیڈر سندھ اسمبلی حلیم عادل شیخ، ایم پی اے یاور بخاری، آئی ایل ایف وکلا و دیگر رہنما یکجہتی کے لیے پہنچے،عدالت نے شیخ راشد شفیق کا مزید دو دن ریمانڈ منظور کرلیا،عدالت کے باہر میڈیا سے گفتگو کرتے ہوئے ذلفی بخاری نے کہا کہ دین کو سیاسی مقاصد کے لیے استعمال کیا جارہا ہے ، ساری سازش رانا ثنا اللہ کررہے ہیں ،رانا ثنا اللہ خود ایک دہشتگرد ہے اس پر 18 قتل کے مقدمات ہیں، ہم نے کبھی کچہریوں کے گیٹ بند نہیں لیکن آج کچہری کے گیٹ بند ہیں، جو شخص مدینہ پاک کی سرزمین پر ننگے پاں چلتا ہے اس پر توہین کا مقدمہ بنایا گیا۔
