اسلام آباد(آئی پی ایس)ملک کے کون کون سے حصوں میں بارش ہو گی ؟ محکمہ موسمیات نے گرمی سے نڈھال لوگوں کو بڑی خوشخبری سنا دی ۔
محکمہ موسمیات نے کہا کہ صوبہ خیبرپختونخواہ کے بیشتر اضلاع میں موسم گرم اورخشک تاہم شام اور رات کے دوران چترال، دیر،سوات ، کرم، وزیرستان ،کوہستان اور مانسہرہ میں مطلع جزوی ابرآلود رہنے کے ساتھ چند مقا مات پر گرج چمک کے ساتھ ہلکی بارش ہو سکتی ہے۔
اسکے علاوہ صوبہ سندھ کے بیشتر اضلاع میں بھی موسم گرم اور خشک جبکہ بالائی اوروسطی سندھ میں شدید گرم رہےگا۔
صوبہ بلوچستان کی بات کی جائے تو وہاں کے بیشتر اضلاع میں موسم گرم اورخشک جبکہ مشرقی علاقوں میں شدید گرم رہےگا۔
محکمہ موسمیات کا کہنا ہے کہ آج اسلام آباد میں موسم گرم اور خشک جبکہ صوبہ پنجاب کے بیشتر اضلاع میں بھی موسم شدید گرم اورخشک رہےگا۔
واضح رہے کہ آج ریکارڈ کیے گئے زیادہ سے زیادہ درجہ حرارت میں شہید بینظیر آباد47.5، دادو، پڈعیدن، جیکب آباد ، سبی46.5، موہنجوداڑو46، لاڑکانہ، خیر پور، سکرنڈ اورخان پور میں 45.5 ڈگری سینٹی گریڈ ریکارڈ کیا گیا ہے۔
