پنجاب اسمبلی کے ڈپٹی اسپیکر کا ایکشن، سیکرٹری اسمبلی محمد خان بھٹی و دیگرمعطل
لاہور:(آئی پی ایس) پنجاب اسمبلی کے ڈپٹی اسپیکر کا ایکشن، سیکرٹری اسمبلی محمد خان بھٹی و دیگر کو معطل کر دیا ۔
جبکہ گزشتہ روز پنجاب اسمبلی میں ہنگامہ آرائی کی گئی جس دوران اسپیکر چودھری پرویز الٰہی زخمی بھی ہوئے جبکہ 5 اراکین اسمبلی کو گرفتار کیا گیا۔
وزیر اعلیٰ کے الیکشن میں ناقص اقدامات پر ایکشن لیتے ہوئے ڈپٹی اسپیکر دوست مزاری نے سیکرٹری اسمبلی محمد خان بھٹی، سیکرٹری پارلیمانی امور عنایت لک ، سپیشل سیکرٹری عامر حبیب اور چیف سکیورٹی آفیسر اکبر ناصر کو معطل کر دیا ہے۔
دوست مزاری نے شوکاز نوٹس جاری کرتے ہوئے جواب طلب کر لیا ،جبکہ اعلیٰ افسران کے اسمبلی حدود میں داخلے پر بھی پابندی عائد کردی ۔ معطلی کے احکامات کا نوٹیفکیشن 16 اپریل کو جاری کیا گیا۔
ڈپٹی اسپیکر دوست مزاری نے وزیر اعلیٰ کے الیکشن میں تعاون نہ کرنے، افسران کو اسمبلی ہنگامہ آرائی کے دوران فرائض میں غفلت پر معطل کیا۔
