لاہور (آئی پی ایس ) پاکستانی معروف اداکار احسن خان ایک بار پھر سوشل میڈیا صارفین کی جانب سے شدید تنقید کی زد میں آگئے۔اداکار کی سوشل میڈیا پر ایک ویڈیو وائرل ہو گئی ہے جس میں انہیں رمضان ٹرانسمیشن میں وقفے کے دوران ہاتھ میں تسبیح لیے کھڑے دیکھا جا سکتا ہے۔
اسی دوران موقع دیکھ ایک مداح ان کے پاس آتا ہے اور سلام دعا کے بعد احسن سے تصویر بنوانے کی گزارش کرتا ہے جس پر اداکار مداح کے ساتھ تصویر بنوانے کے بجائے سرد اور طنزیہ سی ہنسی کے ساتھ ہاتھ کے اشارے سے مداح کو جانے کا کہتے ہیں اور خود بھی چلے جاتے ہیں۔اس ویڈیو کے کمنٹ باکس میں مداحوں کی جانب سے احسن خان پر خوب تنقید کی جارہی ہے۔واضح رہے کہ گزشتہ دنوں خود کو برٹش ایشیئن اداکار کہنے پر احسن خان کو انٹرنیٹ صارفین کی جانب سے شدید تنقید کا سامنا کرنا پڑا تھا۔
