ممبئی (آئی پی ایس)بالی ووڈ کے مسٹر پرفکشنسٹ عامر خان نے فلم انڈسٹری چھوڑنے کا فیصلہ کیوں کیا؟ بالآخراداکار نے اس کی وضاحت کر دی۔بھارتی میڈیا رپورٹ کے مطابق اداکارعامرخان نے انکشاف کیا کہ انہوں نے فلم لال سنگھ چڈھا کی ریلیز سے پہلے ہی فلم انڈسٹری چھوڑنے کا فیصلہ کرلیا تھا، لیکن انہوں نے اپنے فیصلے کا اعلان نہیں کیا کیونکہ ان کے خیال میں لال سنگھ چڈھا کی ریلیز سے قبل لوگ اسے مارکیٹنگ اسکیم کہہ سکتے ہیں۔عامر خان نے اس بات کا اعتراف کیا کہ انہوں نے اپنا کیریئر بنانے کے چکر اپنے خاندان اور بچوں کو وہ وقت نہیں دیا جو انہیں دینا چاہئے تھا۔
مسٹر پرفکشنسٹ عامر خان نے یہ اعتراف بھی کیا کہ انہوں نے اپنے بچوں کو بچپن میں اس وقت نظر انداز کیا جب ایرا اور جنید کو ان کی بہت زیادہ ضرورت تھی۔سپراسٹار نے کہا انہیں کورونا لاک ڈائون کے دوران اس بات کا اندازہ ہوا کہ انہوں نے اپنی فیملی اور بچوں کے ساتھ کتنا غلط کیا اور یہ احساس ہونے کے بعد انہیں اپنے آپ اور اور سینما پربے حد غصہ آیا کیونکہ انہیں لگا کہ سینما نے ہی انہیں ان کے بچوں اور فیملی سے دور کیا تھا۔عامر خان نے یہ بھی کہا کہ یہ ان کی سابقہ اہلیہ و فلم پروڈیوسر کرن را تھیں، جنہوں نے انہیں سمجھایا کہ ان کا فیصلہ درست نہیں تھا۔اداکار نے کہا کہ ان کے اس فیصلے کے بعد انہوں نے اپنی بیٹی کے ساتھ کام کرنا شروع کر دیا اور ان کے بچوں نے بھی انہیں بتایا کہ ان کا فیصلہ غلط تھا اور ان سے کہا کہ وہ اپنی زندگی میں توازن تلاش کریں۔
عامر خان نے مذاق میں کہا کہ ان کے بچوں نے انہیں بتایا کہ تین مہینوں میں انہوں نے ان کے ساتھ جتنا وقت گزارا وہ گزشتہ 30 سالوں سے زیادہ تھا۔انہوں نے کہا کہ میں نے اپنے گھر والوں کو بتا دیا تھا کہ میں اب سے کوئی فلم نہیں کروں گا، نہ میں اداکاری کروں گا اور نہ ہی کوئی فلم پروڈیوس کروں گا، میں یہ سب نہیں کرنا چاہتا۔ میں صرف آپ سب کے ساتھ اپنا وقت گزارنا چاہتا ہوں۔اداکار نے کہا کہ تب میں نے سوچا کہ میں لوگوں کو بتا دوں کہ میں اب فلموں میں کام نہیں کروں گا، پھر میں نے کہا کہ اگر میں لوگوں کو بتاں تو وہ کہیں گے، یہ ان کی مارکیٹنگ اسکیم ہے کیونکہ ان کی فلم لال سنگھ چڈھا ریلیز ہونے والی ہے، وہ اپنی ریٹائرمنٹ کا اعلان کر رہے ہیں۔انہوں نے مزید کہا کہ تو میں نے سوچا کہ یہ نہ کہنا ہی بہتر ہے، ویسے بھی میری فلم تین چار سال بعد آتی ہے، لال سنگھ چڈھا کی ریلیز کے بعد کسی کو احساس نہیں ہوگا کہ میں اگلے تین یا چار سال تک کچھ کر رہا ہوں، تب تک میں انڈسٹری چھوڑ دوں گا اور کسی کو پتہ نہیں چلے گا۔
