ممبئی(آئی پی ایس)سینئر بھارتی اداکار چنکی پانڈے کی بیٹی اور نوجوان خوبرو اداکارہ اننیا پانڈے نے اپنے عشق کے بارے میں مداحوں کو بتا دیا ہے۔اپنے ایک حالیہ انٹرویو میں اننیا پانڈے نے نتایاکہ وہ ہمیشہ اداکاری کی جانب آنا چاہتی تھی اور انہیں بڑی اسکرین پر کام کرنے کا عشق ہے۔نوجوان بالی ووڈ اداکارہ نے کہا کہ وہ کرینہ کپور اور کاجول کو اسکرین پر دیکھتے ہوئے پلی بڑھی ہیں، اسی لیے وہ اداکاری بالخصوص گلوکاری اور رقص کے حوالے سے بھی کافی پرجوش رہی ہیں۔
انہوں نے کہا کہ وہ اپنے پیشے سے مخلص ہیں اور کوشش کرتی ہیں کہ اس میں ہر گزرتے دن کے ساتھ بہتری آئے۔ایک سوال پراننیا پانڈے کا کہنا تھا کہ وہ اپنے آپ کو خوش رکھنے کی کوشش کرتی ہیں اور اپنے دوستوں اور خاندان کے ساتھ وقت گزارتی ہوں۔واضح رہے کہ اننیا پانڈے بالی ووڈ کے سینئر اداکار چنکی پانڈے کی بیٹی اور بالی ووڈ کنگ شاہ رخ خان کی بیٹی سہانا خان کی قریبی دوست بھی ہیں۔اننیا پانڈے کی وجہ شہرت بالی ووڈ فلم اسٹوڈنٹ آف دی ائیر 2 اور فلم پتی پتنی اور وہ ہے۔ ان دونوں فلموں میں انہوں نے مرکزی کردار ادا کیا اور خوب داد وصول کی۔
فلموں میں اداکاری سے قبل اننیا پانڈے نے سپر اسٹار شاہ رخ خان کی فلم رئیس میں اسسٹنٹ ڈائریکٹر کی حیثیت سے بھی کام کیا۔اننیا پانڈے کا شمار بالی ووڈ کی گلیمرس اداکاراں میں ہوتا ہے، ان کی سوشل میڈیا پر بھی اچھی خاصی فین فالوئنگ ہے۔گزشتہ کچھ عرصے سے وہ مسلسل سماجی رابطے کی ویب سائٹ انسٹا گرام پرکافی سرگرم نظر آ رہی ہیں اور اپنے فوٹو شوٹس شیئر کرتی رہتی ہیں۔
