دنیا کے دیگر ترقی یافتہ شہروں کی طرح اسلام آباد میں بھی "اسلام آباد میراتھون” کے انعقاد کا اہتمام کیا جارہا ہے۔ ایک دفعہ پھر کپیٹل ڈیولپمنٹ اتھارٹی اسلام آباد کے باسیوں کے لئے ایک نئی صحت مندانہ تفریحی کا اہتمام کرے گا۔ اس سلسلے میں باقاعدہ رجسٹریشن کا آن لائن عمل شروع کردیا گیا ہے۔ آن لائن فارم سی ڈی اے کی ویب سائٹ پر دستیاب ہیں۔ اس "میراتھون” کا انعقاد 26 مارچ کو کیا جائے گا۔
یہ میرا تھون تین قسم کے مقابلوں پر مشتمل ہوگی جس میں 42 کلومیٹر، 21 کلومیٹر اور 10 کلومیٹر کی دوڈ شامل ہوگی۔ ہر کٹیگری میں مرد و خواتین کے لئے علیحدہ علیحدہ مقابلے ہوں گے۔ ہر طرح کی کٹیگری میں کامیاب ہونے والے افراد کے لئے نقد انعامات بھی رکھے جائیں گے۔ اس میراتھون کو بین الاقوامی معیار کے مطابق کروانے کے لئے ایک کمیٹی تشکیل دی گئی ہے جو اس کے انعقاد کے تمام انتظامات کرے گی۔
اس میراتھون کے تمام اخراجات سی ڈی اے برداشت کرے گا۔ اسکی تشہیربھی بڑے پیمانے پر کی جارہی ہے تاکہ نہ صرف اندرون ملک بلکہ بیرون ملک سے بھی لوگ حصہ لے سکیں۔
