اسلام آباد(آئی پی ایس)پاکستان کی نامور اداکارہ صبورعلی نے بھی بلاول بھٹو کو چھوڑا،سوشل میڈیا پر نقل اتارتے ہوئے کہا کہ ”سردی سے میری کانپیں ٹانگ” رہی ہیں ۔تفصیلات کے مطابق اسلام آباد میں جیالوں سے خطاب کے دوران چیئرمین پیپلزپارٹی بلاول بھٹو کی زبان پھسلنے کی ویڈیو کانپیں ٹانگ رہی ہیں نے سوشل میڈیا پر دھوم مچا دی۔
بلاول بھٹو نے عوامی مارچ کے دوران بھرپور جوش میں کہاکہ اسلام آباد میں کانپیں ٹانگ رہی ہیں، جس کے بعد ان کا یہ جملہ سوشل میڈیا پر وائرل ہو گیا۔اس وائرل ویڈیو کے ردعمل میں میم بنانے والوں نے الگ ہی طوفان برپا کر رکھا ہے۔
پاکستان شوبز انڈسٹری کی نامور اداکارہ صبور علی نے بھی بلاول بھٹو کے اس بیان پر ایک دلچسپ تصویر شئیر کی ہے۔اداکارہ کے ردعمل نے بھی مداحوں کو ہنسانے پر مجبور کردیا۔صبور علی نے شدید سردی میں لی گئی اپنی تصویر شیئر کی اور ساتھ لکھا کہ سردی سے کانپیں ٹانگ رہی ہیں۔
