پی ٹی آئی سندھ کے صدر و وفاقی وزیر علی زیدی نے کہا ہے کہ تیر کو توڑو گے تو سندھ کو جوڑو گے۔ سندھ حقوق مارچ کے حوالے سے خصوصی وڈیو بیان میں کہا کہ 25 فروری کو ہم سندھ حقوق مارچ کے لیے کراچی سے نکلے ، 26 فروری سے آج تک شاہ محمود قریشی کی قیادت میں پورے سندھ میں گئے اور گلی گاوں شہر ضلع ہر سطح پر عوام کے حقوق کی آواز بلند کی
،وفاقی وزیر نے کہاکہ حیدرآباد کے جلسوں کے بعد اب ہم کراچی آرہے ہیں، کراچی ملک کا معاشی حب ہے، کراچی کو اسٹیٹ آف دی آرٹ بزنس حب بنانا ہے جبکہ مزید پوٹنشل حاصل کرنے کے لیے سندھ میں حکومت بنانا ضروری ہے،علی زیدی نے کہا کہ اس تیر نے پورے سندھ کو زخمی کیا ہے، تیر کو توڑو گے تو سندھ کو جوڑو گے،وفاقی وزیر نے یہ بھی کہا کہ سندھ میں ہمارے بڑے بڑے جلسے ہوئے،
پندرہ سال سندھ کو تباہ کرنے کے بعد اب پی پی والے لانگ مارچ کرنے نکلے ہیں،علی زیدی نے کہا کہ سندھ میں کوئی سرکاری اسپتال نہیں جہاں علاج کی سہولیات موجود ہوں، ہمیں سندھ کو زرداری مافیا سے نجات دلانی ہے،وفاقی وزیر علی زیدی نے مزید کہا کہ کراچی نے ہمیشہ سے عمران خان کا ساتھ دیا ہے، میں چاہتا ہوں کے بڑی تعداد میں عوام نکلے اور آج کے جلسے کو کامیاب بنائیں۔
