عالمی طاقتیں دور کھڑی دیکھ رہی ہیں، ہم اپنا دفاع تن تنہا کر رہے ہیں،یوکرینی صدر

روس کا یوکرین پر حملہ آج دوسرے روز میں داخل ہو چکا ہے اور جمعے کی صبح دارالحکومت کیئو میں متعدد دھماکوں کی اطلاعات سامنے آئی ہیں۔

غیر ملکی میڈیا کے مطابق یوکرین کے صدر ولادیمیر زیلنسکی کے مطابق روسی حملے کے پہلے روز ان کے ملک میں 137 اموات ہوئی ہیں جن میں فوجی اور سویلین دونوں شامل ہیں۔یوکرین کے صدر ولادیمیر زیلنسکی نے بیان میں کہا کہ تخریب کاردارالحکومت کیف میں داخل ہوچکے ہیں۔

روس یوکرین کو سیاسی طورپرتباہ کرنا چاہتا ہے۔انہوں نے کہا کہ روسی حملوں میں اب تک فوجیوں سمیت 137 افراد ہلاک ہوچکے ہیں۔ ملک کے دفاع کے لئے کسی بھی اقدام سے گریز نہیں کریں گے۔ عالمی برادری کوروس پرحملے روکنے کے لئے دباو ڈالنا چاہئیے۔