اسلام آباد ،وفاقی وزیر داخلہ شیخ رشید احمد نے کہا ہے کہ فیصل واوڈاکی نااہلی کوئی دھچکا نہیں،سپریم کورٹ جائیں گے۔تفصیلات کے مطابق اسلام آباد میں میڈیا سے گفتگو کرتے ہوئے شیخ رشید احمد نے کہا کہ اپوزیشن 23 مارچ کوبھی اسلام آبادآتے دکھائی نہیں دے رہی ، ہم چوری اورلوٹا ہوا پیسہ واپس نہیں لا سکے،عمران خان اپوزیشن کواین آراونہیں دیں گے۔انہوں نے کہاکہ ہمیں طعنے دینے والے خودبیساکھیوں کی تلاش میں ہیں، اسٹیبلشمنٹ نیوٹرل ہے ، منتخب حکومت کیساتھ ہے، ق لیگ ہماری اتحادی ہے،فنانس بل میں ہمیں ہی ووٹ دیا، اپوزیشن اپنے بندوں کاخیال رکھے۔
