وانا ۔۔۔۔ ملک بھر کی طرح جنوبی وزیرستان کے ضلعی ہیڈکوارٹر وانا میں یوم یکجہتی کشمیر منایا گیا ،اسسٹنٹ کمشنر وانا بشیرخان کی سربراہی یوم یکجہتی کشمیر ریلی سکاؤٹس کیمپ سے شروع ہوکر امن پوسٹ پر اختتام پذیر ہوگئی،مظاہرے میں شریک افراد نے کشمیر بنے گا پاکستان اور بھارت کے غاصبانہ قبضے کے خلاف نعرے لگائے گئے،احتجاجی ریلی میں علماء،قبائلی عمائدین ،صحافیوں اور دیگر شعبہ ہائے زندگی سے تعلق رکھنے والے افراد نے شرکت کی ،میڈیا سے بات کرتے ہوئے اسسٹنٹ کمشنر وانا نے کہا،کہ یوم یکجہتی کشمیر کے اس دن کا مقصد ہےکہ ہم مظلوم کشمیریوں کے ساتھ ہے،بھارت کے غاصبانہ قبضے اور بربریت سے دنیا کو باخبر رکھنا ہے،ان کا کہنا تھا،کہ پاکستان کا ہر فرد کشمیریوں کے ساتھ ہونیوالی زیادتیوں کی مذمت کرتا ہے،اور کشمیر کے مسئلے کو اقوام متحدہ کے قرارداد کے مطابق حل کرنے کی حمایت کرتے ہیں۔
