لندن ،ہونٹوں کی ادھوری سرجری کے باعث ٹک ٹاکر حریم شاہ کے ہونٹوں کی حالت بگڑ گئی۔
انسٹاگرام پر ایک ویڈیو پوسٹ حریم شاہ نے بتایا کہ انہیں لپ فلر(ہونٹوں کی سرجری)کا کافی عرصے سے شوق تھا اسی لیے وہ آج لندن میں سرجری کرانے کلینک آئی تھیں۔حریم شاہ نے بتایا کہ دوران سرجری جب ان کے ایک طرف کے ہونٹوں کی سرجری ہوگئی تو انہیں فون پرکال موصول ہوئی جس میں بتایا گیا کہ ایف آئی اے نے میرے اکاونٹس منجمد کرنیکا حکم دیا ہے اور بینکوں کو اس حوالے سے خط بھی لکھے ہیں۔ حریم شاہ کا کہنا تھا کہ اکاونٹس منجمد ہونے کا سن کر وہ پریشان ہوگئیں اور سرجری ادھوری چھوڑ کر وہ اسٹریچر سے اٹھ گئیں اور سرجری ادھوری رہ گئی۔ٹک ٹاکر کے مطابق انہیں یاد تھا کہ ان کے ہونٹوں کی سرجری ہورہی ہے تاہم اس وقت یہ خیال آیا کہ اتنی مہنگائی ہے اور پھر اکاونٹس بھی منجمد ہوگئے ہیں۔ ویڈیو میں دیکھا جاسکتا ہے کہ حریم شاہ کے ایک طرف کے ہونٹ سوجے ہوئے ہیں جس کے باعث ان کے چہرے کی حالت تبدل ہوگئی ہے۔واضح رہے کہ پاکستانی ٹک ٹاکر فضا حسین عرف حریم شاہ کے خلاف منی لانڈرنگ کی انکوائری کرنے والے وفاقی تحقیقاتی ادارے (ایف آئی اے)نے متعلقہ حکام کو ٹک ٹاکر کے بینک اکاونٹس منجمد کرنے کے لیے خط لکھا ہے۔
