مری میں گاڑیوں اور سیاحوں کی آمدورفت میں 6روز پابندی کے بعد ضلعی انتظامیہ نے مال بردار وہیکلز کو داخلہ کی اجازت دے دی،فیصلہ کا اطلاق آج رات سے ہو گا،پٹرول،ڈیزل،مٹی کا تیل،اشیائے خوردونوش والی گاڑیاں مری داخل ہو سکیں گی۔تفصیلات کے مطابق سانحہ مری کے بعد ملکہ کوہسار کے حوالے سے ضلعی انتظامیہ کا اجلاس ضلعی انتظامیہ نے پٹرول،اشیائے خوردونوش کی ممکنہ کمی کے پیش نظر مال بردار گاڑیوں کو مری میں داخلہ کی اجازت دے دی،ایندھن سمیت کھانے پینے کی اشیا والی ہیوی ٹرانسپورٹ کو آج سے مری داخلہ کی اجازت ہو گی۔ترجمان ضلعی انتظامیہ کے مطابق فیصلہ کا اطلاق آج رات دس بجے سے ہو گا۔اس ضمن میں ضلعی انتظامیہ راولپنڈی نے ٹریفک پولیس مری کو احکامات جاری کردیئے ہیں۔فیصلہ کے مطابق دس وہیل والے ٹرک آج رات سے مری داخل ہو سکیں گے،سیاحوں کے مری میں داخلہ پر پابندی 17جنوری تک برقرار رہے گی۔
