اسلام آباد (آئی پی ایس) امریکی پابندیوں کے نتیجے میں ہواوے کو اسمارٹ فونز کی فروخت میں مشکلات کا سامنا ہے جس کی بڑی وجہ گوگل سروسز اور ایپس تک رسائی نہ ہونا ہے۔ کمپنی کی جانب سے چین سے باہر نئے فلیگ شپ فونز کو متعارف کرانے کا سلسلہ کافی عرصے سے رکا ہوا تھا اور اب تک پی 50، پی 50 پرو اور اس کے فولڈ ایبل ماڈل پی 50 پاکٹ چین سے باہر فروخت کے لیے پیش نہیں کیے گئے۔ مگر اب طویل عرصے بعد ہواوے پی 50 پرو اور پی 50 پاکٹ کی شکل میں 2 فلیگ شپ فونز عالمی سطح پر پیش کرنے کے لیے تیار ہے۔ ہواوے کی ملائیشین شاخ نے اپنے ٹوئٹر اکاؤنٹ پر تصدیق کی کہ کمپنی 12 جنوری کو پی 50 پرو اور پی 50 پاکٹ کو عالمی سطح پر متعارف کرا رہی ہے۔ ہواوے ملائیشیا کی ویب سائٹ پر دونوں فونز کی تفصیلات اور فیچرز بھی درج ہیں جو چین میں دستیاب ماڈلز جیسے ہی ہیں۔ گر پی 50 پرو میں کمپنی کے اپنے تیار کردہ کیرین 9000 کی بجائے اسنیپ ڈراگون 888 پراسیسر دیا جائے گا جبکہ پی 50 پاکٹ میں ہارمونی او ایس کی بجائے ای یم یو آئی 12 موجود ہوگا۔ کمپنی نے یہ واضح نہیں کیا کہ پی 50 میں کونسا آپریٹنگ سسٹم ہوگا مگر ممکنہ طور پر ای ایم یو آئی 12 ہوگا۔ یہ دونوں فونز 8 جی بی ریم اور 256 جی بی اسٹوریج کے ساتھ ہوں گے جبکہ پی 50 پاکٹ پریمیئم ایڈیشن میں 12 جی بی ریم اور 512 جی بی اسٹوریج کا آپشن بھی ہوگا۔ پی 50 پرو میں 6.6 انچ کا خم ایجز والا او ایل ڈی ڈسپلے 120 ہرٹز ریفریش ریٹ اور ایچ ڈی آر سپپورٹ کے ساتھ دیا گیا ہے۔ پی 50 پرو میں 4360 ایم اے ایچ بیٹری دی گئی ہے جس کے ساتھ 66 واٹ وائرڈ اور 50 واٹ وائرلیس چارجنگ سپورٹ موجود ہے۔ جہاں تک کیمرہ سیٹ اپ کی بات ہے تو پی 50 پرو میں لائیسا برانڈڈ کیمرے موجود ہیں جو 10 چینل سنسرز اور پہلے سے بہتر ٹیلی فوٹو موڈیولز سے لیس ہیں۔ پی 50 پرو کے 50 میگا پکسل مین کیمرہ ایف 1.8 آپرچر اور آپٹیکل امیج اسٹیبلائزیشن جیسے فیچرز موجود ہیں۔ اس کے علاوہ 40 میگا پکسل بلیک اینڈ وائٹ کیمرا ایف 1.6 آپرچر کے ساتھ ہے جبکہ 12 میگا پپکسل الٹرا وائیڈ بھی فون کا حصہ ہے۔ زومنگ کے لیے ایک 64 میگا پکسل پیری اسکوپ کیمرہ بھی ڈیوائس میں دیا گیا ہے جو 3.5 ایکس آپٹیکل زوم کی سہولت فراہم کرتا ہے۔ فون کے فرنٹ پر 13 میگا پکسل کیمر پنچ ہول ڈیزائن میں دیا گیا ہے۔
