اسلام آباد ،وفاقی دارالحکومت اسلام آباد میں بارش کا سلسلہ جاری ہے جبکہ پارلیمنٹ لاجز کی چھتیں بھی ٹپکنے لگی ہیں۔
پارلیمنٹ لاجز میں پیپلز پارٹی کے رکن قومی اسمبلی شازیہ ثوبیہ کی چھت ٹپکنے لگی ، شازیہ ثوبیہ کو چھت ٹپکنے کی وجہ سے برتن رکھنے پڑ گئے۔پاکستان پیپلز پارٹی کی ایم این اے شازیہ ثوبیہ کا کہنا ہے کہ چھت ٹپکنے کی شکایات کئی بار کروا چکی ہوں۔شازیہ ثوبیہ نے کہا کہ بارشوں میں عوامی نمائندوں کا یہ حال ہے تو عام آدمی کا کیا ہوگا۔
