امریکی ریاست کیلیفورنیا میں جڑواں بچوں کی پیدائش ہوئی ہے جس میں ایک حیرت انگیز بات سامنے آئی ہے کہ ان کی سالگرہ مختلف سالوں میں آتی ہے۔بین الاقوامی میڈیا کے مطابق الفریڈو انتونیو ٹرجیلو 2021 کے نئے سال کے موقع پر مقامی وقت کے مطابق 23:45 (07:45 GMT) پر پیدا ہوئے جبکہ اس کی بہن ایلن یولینڈا ٹرجیلو صرف 15 منٹ بعد 1 جنوری 2022 کو پیداہوئیں جس سے ان جڑواں بہنوں کی سالگرہ کا سال الگ ہوگیا، اس حوالے سے ان کی والدہ فاطمہ مدریگل نے کہا کہ یہ ان کے لیے حیران کن ہے کہ ان کے جڑواں بچوں کی سالگرہ مختلف ہوگی مگر میںحیران اور خوش ہوں۔سینٹر فار ڈزیز کنٹرول نے کہا ہے کہ امریکہ میں ہر سال ایک لاکھ 20ہزارجڑواں بچے پیدا ہوتے ہیں، جو کہ تمام پیدائشوں کا تقریبا تین فیصد ہے۔ہسپتال انتظامیہ کا اندازہ ہے کہ مختلف سالوں میں جڑواں بچوں کی پیدائش کا امکان تقریبا 20 لاکھ میں سے ایک ہے۔ ایک نیویڈاڈ ڈاکٹر نے ٹرجیلو کی پیدائش کو "یقینی طور پر میرے کیریئر کی یادگار ترین پیدائشوں میں سے ایک” قرار دیا۔ڈاکٹر اینا ابریل آریاس نے کہا کہ 2021 اور 2022 میں ان ننھے بچوں کی بحفاظت یہاں پہنچنے میں مدد کرنا انتہائی خوشی کی بات ہے۔پہلے بچے الفریڈو کا وزن چھ پانڈ اور ایک اونس تھا، جب کہ اس کی چھوٹی بہن آئلن کا وزن پانچ پانڈ اور 14 اونس تھا۔ یہ جوڑا تین بڑے بہن بھائیوں میں شامل ہوتا ہے۔
