وزارت سائنس و ٹیکنالوجی نے قومی بھنگ پالیسی تیار کرلی ، مسودہ وزیراعظم آفس کو بھجوادیا گیا ، بھنگ پالیسی منظوری کیلئے وفاقی کابینہ میں پیش کی جائے گی ۔تفصیلات کے مطابق وفاقی وزیرسائنس و ٹیکنالوجی شبلی فراز نے کہا ہے کہ عالمی سطح پر بھنگ کی 100 ارب سے زائد کی مارکیٹ کا حصہ بننا چاہتے ہیں ۔ بھنگ کی کاشت کے پائیلٹ پراجیکٹ کے آغاز کے بعد وزارت سائنس و ٹیکنالوجی نے قومی بھنگ پالیسی تیار کرلی ، وفاقی وزیرسائنس و ٹیکنالوجی نے بتایا کہ بھنگ پالیسی متعلقہ وزارتوں اور اسٹیک ہولڈرز کی مشاورت سے تیار کی گئی ہے ؟ وفاقی کابینہ کی جانب سے پالیسی کی منظوری کے بعد پہلے مرحلے میں 100 کمپنیوں کو بھنگ کی کاشت کے لائسنس جاری کیے جائیں گے ۔شبلی فراز شبلی فراز نے کہا کہ بھنگ کی سو ارب سے زائد کی عالمی مارکیٹ کا حصہ بننا چاہتے ہیں ، بھنگ پاکستان کی برآمدات میں اہم کردار ادا کرے گی ۔وفاقی وزیرسائنس و ٹیکنالوجی نے کہا کہ بھنگ کی کاشت کے لائسنسوں کے اجرا کے لیے سخت شرائط رکھی گئی ہیں ۔بھنگ کی کاشت کے ایریا کے گرد باونڈری وال اور فیلڈ میں کیمرے لگائے جائیں گے ۔
