پشاور،الیکشن ٹریبونل نے مشیر خزانہ شوکت ترین کے کاغذات نامزدگی کی منظوری کیخلاف اپیل پر فیصلہ محفوظ کرلیا، فیصلہ آج ہی سنائے جانے کا امکان ہے۔تفصیلات کے مطابق پشاور کے الیکشن ٹربیونل میں خیبرپختونخوا سے سینیٹ کی خالی نشست پر ضمنی انتخاب کیلئے شوکت ترین کے کاغذات نامزدگی منظور ہونے کیخلاف اپیل کی سماعت ہوئی۔وکیل درخواست گزار نے کہا کہ الیکشن شیڈول جاری ہونے پر ووٹرلسٹ منجمد ہوجاتی ہے، شوکت ترین کاووٹ الیکٹورل رول میں درج نہیں ہے، ووٹ درج نہ ہونے پر شوکت ترین خیبرپختونخوا سے سینیٹ الیکشن نہیں لڑسکتے۔شوکت ترین کے وکیل علی گوہر نے موقف پیش کیا کہ سینٹ کے لئے الیکشن کمیشن کا ووٹ سرٹیفکیٹ ہی کافی ہوتا ہے۔الیکشن ٹربیونل نے وکلا کے دلائل سننے کے بعد اپیل پر فیصلہ محفوظ کرلیا ،محفوظ فیصلہ آج ہی سنائے جانے کا امکان ہے۔
