اہم خبریںپاکستانتازہ ترینصحت

پاکستان میں کورونا مثبت کیسز کی شرح 0.71فیصد پر آگئی

پاکستان میں کورونا مثبت کیسز کی شرح 0.71فیصد پر آگئی، ایک دن میں 7 افراد جان کی بازی ہار گئے جبکہ 252 کیسز سامنے آئے ،958 مریضوں کی حالت تشویشناک ہے۔نیشنل کمانڈ اینڈ آپریشن سینٹر (این سی او سی )نے ملک میں کورونا صورتحال کے تازہ اعدادو شمار جاری کردیئے، جس میں بتایا گیا ہے کہ ملک میں 24 گھنٹے میں کورونا کے مزید 7 مریض جاں بحق ہوگئے ، جس کے بعد کورونا وائرس سے مجموعی اموات کی تعداد 28 ہزار697 ہوگئیں۔این سی اوسی کے مطابق ملک میں 24 گھنٹوں کے دوران 35ہزار176 کورونا ٹیسٹ کیے گئے، جس میں سے 252 کیسز مثبت نکلے، اس دوران پاکستان میں کورونا کے مثبت کیسز کی شرح 0.71 فیصد رہی۔نیشنل کمانڈاینڈ آپریشن سینٹر نے بتایا کہ ملک بھر میں کورونا کے 958 زیرعلاج مریض انتہائی نگہداشت میں ہیں جبکہ ملک بھر میں کورونا سے متاثر ہونے والوں کی مجموعی تعداد 12 لاکھ 83 ہزار 475 تک پہنچ گئی ہے۔اعدادو شمار کے مطابق سندھ میں کورونا کیسز کی تعداد چار لاکھ 74 ہزار818 ، پنجاب میں 4 لاکھ 42 ہزار 804، خیبرپختونخوا میں ایک لاکھ 79 ہزار855 اور بلوچستان میں 33 ہزار467 ہے جبکہ اسلام آباد میں ایک لاکھ 7 ہزار 580 ، گلگت بلتستان میں 10 ہزار411 اور آزاد کشمیر میں 34 ہزار540 کیسز سامنے آچکے ہیں۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button

Adblock Detected

Please consider supporting us by disabling your ad blocker