ٹی 20 ورلڈ کپ آسٹریلیا کی جیت کے ساتھ اختتام تو ہوگیا لیکن پلیئر آف دی ٹورنامنٹ پر ایک نئی بحث چھڑ گئی ۔ٹی 20 ورلڈ کپ کے فائنل میں آسٹریلیا نے نیوزی لینڈ کو 8وکٹوں سے شکست دی جس کے بعد دبئی میں ٹورنامنٹ کی اختتامی تقریب میں پلیئر آف دی ٹورنامنٹ کا ایوارڈ آسٹریلوی کرکٹ ٹیم کے کھلاڑی ڈیوڈ وارنر کو دیا گیا۔قومی کرکٹ ٹیم کے سابق فاسٹ بالر شعیب اختر نے ٹویٹ میں کہا کہ بابر اعظم کو مین آف دی ٹورنامنٹ دیکھنے کا منتظر تھا، یقینی طور پر غیر منصفانہ فیصلہ ہے۔انہوں نے کہا کہ میں حیران ہوں بابر اعظم پلیئر آف دی ٹورنامنٹ نہیں ہیں۔
